Ақсу станциясында №2 энергоблок пайдалануға берілді
Бейсенбі күні Ақсу электр станциясында жаңартылған №2 энергоблок қайта іске қосылды. Салтанатты шараға облыс әкімі Бақытжан Сағынтаев пен «Еуроазиаттық энергетикалық корпорациясы» АҚ бірінші вице-президенті Марат Бугубаев қатысты.
- Елбасы тапсырмасы бойынша өткен жылдан бастап елімізде үдемелі индустриялық-инновациялық даму бағдарламасы іске асып жатқаны мәлім. Былтыр индустрияландыру картасы негізінде отыз жобаны іске қоссақ, осы жылы 52 жаңа жоба жүзеге асырылады. Оның 12-сі алғашқы жартыжылдықта тапсырылады. Нәтижесінде бір мыңнан астам жұмыс орны ашылмақ. Инновациялық жобалардың ерекшелігіне келсек, энергетика саласын дамытудың маңызы зор. Павлодар облысын энергетиканың жүрегі десе де болады. №2 энергоблокты модернизациялаудан өткізген Ақсу электр станциясының қадамы құптарлық. Бұдан біраз уақыт бұрын көтеріліп келген электр қуаты тапшылығы туралы мәселені қозғаудың енді реті жоқ.
Нұрбол ЖАЙЫҚБАЕВ.
(Материалдың толық нұсқасын «Сарыарқа самалы» газетінің 2011 жыл 25 маусымдағы номерінен оқи аласыз )
