Жазық дала. Жер-ананың төсінде алтын дәні жайқалған, береке-бірлігі жарасқан астықты өлкені бетке алдық. Бұл - тағылымды тарихы мен мақтан тұтар шежіресі бар, халықтың мәртебесін өсірген ұл-қыздардың қасиетті ордасы, ырыс пен бақ дарыған өркенді өңірлердің бірі – Ертіс ауданы. Толқынымен ойнаған ерке Ертіс өзенінің жағасында орын тепкен аталмыш өңірдің бүгінгі ахуалы көз қуантарлықтай. Байқағанымыздай, ауданда атқарылып жатқан игі істер баршылық. Бірқатар инвестициялық жобалар жүзеге асырылып, жаңа кәсіпорын бой көтерген. Әлеуметтік саланың да әлеуеті жоғары. Тұрғындардың хал-ахуалын жақсартуға бағытталған бағдарламалардың атқарылу барысы да оң бағаға ие. Әрине, мәселелер де жоқ емес. Бірақ, еңбекке деген ынта-жігердің арқасында оның барлығын шешуге болады, дейді ертістіктер. Бір сөзбен айтқанда, ауданның экономикалық және әлеуметтік, мәдени дамуы назар аударарлық.
Данияр ЖҰМАДІЛОВ.
(Материалдың толық нұсқасын «Сарыарқа самалы» газетінің 2011 жыл 13 тамыздағы номерінен оқи аласыз)
