Ауданда егін жинау жалғасуда. Өткен жылға қарағанда түсімі аз. Басты себеп – қуаңшылық. Түсім әр гектарынан 6,7 центнерді құрайды. Талдап айтсақ, арпаның түсімі гектарынан - 8 центнер, бидай – 7,1 центнер. Науқанды жұмыс аяқталып, соңғы нүктесі қойылған кезде бұл деректердің өзгеруі мүмкін.
Соңғы деректер бойынша 33 мың гектар алқаптың егіні орылған болса, оның 59 пайызы бидай. Түсімнің аздығы болмаса биылғы орақ науқанында кедергілер жоқ. Техника да оны жүргізетін механизаторлар да жеткілікті. Астық сақтайтын қоймалардың қабылдап алу мүмкіндігі де жоғары. Болжам бойынша алдағы бір-екі аптада орақ науқаны аяқталады деп күтілуде.
Д.ҚЫЗЫРҰЛЫ.
