Қазіргі таңдағы демография
2010 жылдың 1 тамызында Павлодар облысындағы халық саны 751,9 мың адамды құрады, соның ішінде қалалық жерде – 66,8% және ауылдық жерде – 33,2%.
Ағымдағы жылдың 7 айы ішінде облыс бойынша 7165 туу тіркелді, бұл көрсеткіш 2009 жылдың сәйкес кезеңімен салыстырғанда 4%-ға төмен. Қалалық жерде туғандардың саны 5,7%-ға, ал ауылдық жерде 0,1%-ға төмендеді. Туудың жалпы коэффициенті 1000 адамға шаққанда 16,3 туғандар санын құрады.
Осы кезеңде қайтыс болғандардың саны 4837 адамды құрады, бұл көрсеткіш өткен жылдың сәйкес кезеңіне қарағанда 3,7%-ға артық. Қалалық жерде өлгендердің саны 3,6%-ға және ауылдық жерде 3,9%-ға көбейді. 1000 адамға шаққандағы өлімнің жалпы коэффициенті 10,9 өлгендерді құрады.
Өлімнің негізгі себептері қан айналым жүйесінің аурулары болып табылады, осы аурулардың үлесі барлық тіркелген өлім жағдайларының 54,2%-ын құрайды.
Ағымдағы жылдың 7 айында АХАЖ органдарында тіркелген неке саны 7,7%-ға, ал ажырасу саны 8,6%-ға ұлғайды.
2010 жылдың қаңтар – шілдесінде 3299 неке және 1633 ажырасу тіркелді. 1000 адамға есептегендегі неке және ажырасудың жалпы коэффициенті 8,6 неке және 3,7 ажырасуды құрады.
Ағымдағы жылдың 7 айы ішінде облысымыздан республика шегінен тыс жерлерге 1180 адам көшіп кетті (2009 жылдың қаңтар – шілдесінде – 1667 адам), соның ішінде 1068 адам ТМД елдеріне және 112 адам әлемнің басқа елдеріне қоныс аударды. Сыртқы көші-қон арқылы келгендердің саны 654 адамды құрады, соның ішінде ТМД елдерінен – 471 адам және әлемнің басқа да елдерінен – 183 адам.
2009 жылғы Павлодар облысындағы негізгі қорлар
2010 жылдың басында негізгі қорлардың құны 1 111 млрд. теңгені, баланстық құны (тозуды алып қалумен) 690 млрд. теңгені құрады. Негізгі қаражаттың тозуының деңгейі бір жыл ішінде 2,9 пайыздық тармаққа артты және 37,9%-ды құрады. 2009 жылы 156,5 миллиард теңге сомасында негізгі қаражат түсті, соның ішінде 107,4 миллиард теңге сомасында жаңа негізгі қаражат енгізілді.
Жаңару коэффициенті 9,7%-ды құрады. Негізгі қаражаттың жаңаруы өңдеу өнеркәсібінде едәуір қарқынды өтті, коэффициенті 13,4%ды құрады.
100,1 млрд. теңге сомасында негізгі қаражат шығындалды, оның ішінде 5,5 млрд. теңге есептен шығарылды. Тарату коэффициенті 0,5%-ды құрады.
Ең жоғары тарату коэффициенті және тозу деңгейі кен өндіру өнеркәсібі кәсіпорындарында қалыптасты –8,4% және сәйкесінше 70,8%.
Әдіснамалық түсініктемелер
Жаңару коэффициенті – жыл бойы енгізілген негізгі қаражаттың жыл соңындағы олардың бар болуына үлес салмағы.
Тарату коэффициенті – жыл бойы таратылған негізгі қаражаттың жыл басына олардың бар болуына қатынасы.
Облыстық статистика департаменті.
