Қазақстан халқының бірлігі күні қарсаңында Павлодар облысының әкімі, Қазақстан халқы Ассамблеясы облыстық филиалының төрағасы Бақытжан Сағынтаев бірқатар облыстық этно-мәдени бірлестіктерінің басшыларына гранттарды табыс етті.
Аймақ басшысының этно-мәдени бірлестік көшбасшыларымен мереке қарсаңында жүздесуі дәстүрге айналған. Жиналған қауымды маңызды мерекемен құттықтаған облыс әкімі өңірдегі ұлтаралық және конфессияаралық келісімді, қоғамдағы тұрақтылықты, диаспоралардың мәдени дәстүрін сақтауды нығайтуға қосқан қомақты үлестері үшін бірлестік жетекшілеріне алғысын білдірді.
Өз кезегінде этно-мәдени бірлестіктерінің төрағалары әрдайым қолдау көрсетіп жүрген Б.Сағынтаевқа ризашылықтарын айтты. Алдағы уақытта ынтымағы мен татулығы жарасқан Ертістің Павлодар өңіріндегі ұлтаралық ауызбіршілікті сақтау жолында аянбай еңбек ететіндерін жеткізді.
Өз тілшіміз.
