Қазақстанның егемендікке қол жеткізгеннен кейінгі ең алғашқы Конституциясы 1993 жылы қабылданған еді. Артынша, уақыт талабынан туындаған жағдайлар негізінде Ата Заңды одан әрі жетілдіру қолға алынды. Сөйтіп, 1995 жылы 30 тамызда бүкілхалықтық референдумда еліміздің жаңа Конституциясы қабылданды.
Ата заңымыздың тарихта алар орны бөлек. Басты құжат елімізді өтпелі кезеңнің дағдарыстарынан сақтап, халқымыздың тұтастығы мен амандығын, ұлтаралық татулығы мен ішкі тұрақтылығын қамтамасыз етті. Соның нәтижесінде елімізде белсенді әрі тиімді реформалық өзгерістер жүзеге асты және мемлекетімізді басқарудың механизмін одан әрі жетілдірудің жолдары ашылды. Қолданыстағы Конституциямыз бүгінгі заманның барлық көкейкесті мәселелерін толық қамтыған және дербес құқықтарымызға, мемлекет құрылысына толық түсінік бере алады. Ата Заң негізінде Қазақстандағы мемлекеттік билік заң шығарушы, атқарушы және сот билігі тармақтарына бөліну принципінде құрылды.
Мейрамгүл АБЫЛҒАЗИНА,
Павлодар қалалық №2 сотының бас маманы.
(Материалдың толық нұсқасын «Сарыарқа самалы» газетінің 2011 жыл 25 тамыздағы номерінен оқи аласыз)
