Қазақстан халқы мәдениеті мен өнерін насихаттайтын «Бір шаңырақ астында» атты дәстүрлі фестивалі жалғасын тапты. Өткен жексенбіде фестиваль шеңберінде «Қырғызстан» ұлттық-мәдени орталығы мереке ұйымдастырды.
Қазақстан халқы Ассамблеясының 15 жылдық мерекесі, Ата Заңымыздың15 жылдық мерейтойы қарсаңында ұйымдастырылған шара барысында қала жұртшылығы қырғыз халқының салт-дәстүрі және ұлттық өнері туралы кеңінен түсінік алды. Қырғыз халқы мәдениеті мерекесіне қонаққа келгендерге шашу шашылды, ұлттық тағамдардан дәм ұсынылды
- Біздің ұлттық-мәдени орталығымыз 2008 жылдың мамыр айында ашылып, қанатын кеңге жаюда. Сол уақыттан бері ұлттық құндылықтарымыз бен мәдениетімізді насихаттап, жаңғыртып жатқанымызға шын жүректен қуаныштымыз. Қазір орталық құрамындағы 18 азамат бірлестіктің дамуы үшін белсенді атсалысуда. Жылдан жылға қатарымыз көбейіп келеді, - деді «Қырғызстан» ұлттық-мәдени орталығының төрағасы Б.Орузбаев.
Ақмарал ЕСІМХАНОВА.
