Соңғы жылдары тұтастай еліміздің жастары, соның ішінде павлодарлық жастар арасында есірткі тектес әр түрлі дәрілер мен ұнтақтарды пайдалану етек алып барады. Адамның ақыл-есі мен жүйкесіне, психологиялық жағдайына әсер ететін мұндай заттардың жиынтық атауын «экстази» дейді. «Экстазиді» тұтынған адамның іс-қимыл қабілеті, белсенділігі еселей артып, көңіл-күйі «көкке» көтерілетінін айтады мамандар. Мұндай заттарды негізінен түнгі клубтарға, би алаңдарына жиі баратын жастар қолданады. Дегенмен, психотроптық заттарды қолданғаннан кейінгі екінші күні адамның іс-қимыл, жұмыс қабілеті, белсенділігі күрт құлдырап, өмірге деген ықыласы болмай қалады екен. Дәрігер мамандар есірткілердің мұндай түрін жиі тұтынғандар артынан оған өте қатты тәуелді болып, онсыз жүріп-тұра алмайтын халге дейін жететінін алға тартады.
Асыл ӘБІШЕВ.
(Материалдың толық нұсқасын «Сарыарқа самалы» газетінің 2011 жыл 24 қыркүйектегі номерінен оқи аласыз)
