Майқайың ауылдық учаскелік ауруханасына жасы кәмелетке толмаған, «оң жағының төменгі бөлігі сынған» деген диагнозбен әлдебір азамат медициналық көмек сұрап жүгінген. Аталған дерек бойынша ауданның ІІБ учаскелік инспекторы сот-медициналық сараптама қорытындысының болмағаны себепті қылмыстық істі қозғаудан бас тартқан.
Кейін анықталғандай, П. деген күдікті Ленин көшесіндегі «Әсемгүл» дүкені жанында жасы кәмелетке толмаған азаматты күш қолданып ұрған, бұзақылық ниетпен денсаулығына зиян келтірген. Бірақ, учаскелік инспектор Е.Қасымов көрсеткішті жақсарту мақсатында бұл қылмысты тіркеуден жасырған. Бұл фактінің анық-қанығына жеткен Баянауыл аудандық прокуратурасы өмірге қауіпті емес, қасақана ауырлығы орташа денсаулыққа зиян келтіру бойынша қылмыстық іс қозғады. Аудандық ішкі істер бөліміне жіберілген ұсынысты қарау нәтижесінде, аудандық ІІБ учаскелік инспекторына қатаң сөгіс жарияланды.
Павлодар облыстық прокуратурасы.
