Құрметті оқырман! Дәрігердің ақыл-кеңесіне мұқтаж болсаңыз немесе медицина саласына байланысты өзіңізді толғандырған өзге де сауалыңыз болса, редакциямызға хабарласыңыз.
«Сұраңыз, жауап береміз...» айдары сізді алаңдатқан сауалды білікті мамандарға жолдап, көмек көрсетуге әрдайым әзір.
Сұрақ.
Май ауданының тұрғыны САНЖАР:
- Көптен бері жөтеліп жүрмін. Әсіресе, түн уақытында жөтелім күшейе түседі. Мұның себебі неде? Одан айығу үшін не істеу керек?
Жауап:
- Түнгі уақытта қозғалыстың аз болуына байланысты қақырық бірден өкпеге жиналады да, кеудені жыбырлатып, маза таптырмайды. Сондықтан, жөтелі бар адам түнге қарай қақырықты жібітуге арналған емдік шөптерден дайындалған тұнбалар ішкені жөн. Жалпы, бізге сауал жолдаған оқырман көптен бері жөтеліп жүрген болса, уақыт өткізбей дәрігерге қаралғаны дұрыс. Әйтпегенде, ұзаққа созылған жөтелдің соңы туберкулез дертіне әкеліп соғуы ықтимал.
