Жылыбұлақ ауылындағы мешіт пен негізгі мектеп өзара тығыз байланыста жұмыс істеп келеді. Әсіресе мешіт тарапынан мектепке тұрақты түрде көмек көрсетілуде. Жаңа оқу жылы қарсаңында ауылдағы мешіттің имамы Қ.Рахымжанов мектепке көмек ретінде 41000 теңге берді.
-Қ.Рахымжанов басқаратын Жылыбұлақ мешіті ауылдағы мектепке көмек көрсетуді дағдыға айналдырған. Соңғы үш жыл бойы көмек көрсетіп келеді,- деп атап өтті мектеп директоры А.Бәстемиева.
Жылыбұлақ мешіті еліміз тәуелсіздік алған жылдарда ашылған. Содан бері ауылдың рухани ордасына айналып, жамағатқа діни уағызды насихаттап келсе, уақыт өте келе көмек көрсетуді жүзеге асыруда.
Д.ҚЫЗЫРҰЛЫ.
