Исабек Ишан, Жандарбек қожа әулиелердің басына күмбезді кесене салу мақсатында құрылған «Исабек Ишан» қорының қайырымдылық шаралары жалғасын табуда. Жуырда С.Торайғыров атындағы Павлодар мемлекеттік университеті ректоры Е.Арын бастаған бірқатар зиялы қауымның бастамасымен Павлодар қалалық мәдениет сарайында өткен қайырымдылық концерті Екібастұз қаласында жалғасын тапты. Шараға ПМУ-дің ұлт аспаптар филармониясымен қатар өңірімізге, республикаға танымал Ербол, Қайрат, Талғат Айтбаевтар, Мұхтар Манапов, Тұрсынғазы Рахимов, Амангелді Қожанов бастаған өнер тарландары қатысып, көрерменді ықыласқа бөледі.
Екібастұздағы аталмыш шарадан 1 миллион теңгеге таяу қаржы түсті.
Арқа даласына дін таратып, ізгілік нәрін сіңірген балалардың рухын асқақтатып, әспеттеген шараның жиылған жұртқа берері мол.
Ж.АМАНТАЙ.
