Мемлекет басшысы Нұрсұлтан Назарбаев Қазақстан Республикасы Орталық сайлау комиссиясының төрағасы Қуандық Тұрғанқұловты қабылдады, деп хабарлады Қазақстан Республикасы Президентінің баспасөз қызметі.
Қ.Тұрғанқұлов Президентке Қазақстан Республикасының Тұңғыш Президенті – Елбасының президенттік өкілеттігін ұзарту туралы референдум өткізу жөніндегі бастамашы топтың жұмысының қорытындылары туралы баяндады.
– Қазіргі уақытта 5 млн. 16 мың қол жиналған. Бұл – референдумға қатысу құқығы бар қазақстандықтардың 55,2 пайызы. Жалпыұлттық қол жинау кезінде Орталық сайлау комиссиясына тәртіп бұзушылық туралы бірде-бір шағым түскен жоқ, – деді Қ.Тұрғанқұлов.
