Сейсенбі, 25 қазан күні арқа төсіндегі Астана қаласында Павлодар облысының күндері басталды. Ең алдымен, Елорда тұрғындарына «Кереку-Баянауыл» жәрмеңкесі ұйымдастырылды. Бұл шараның ашылу салтанатына Қазақстан Республикасының Мемлекеттік хатшысы Қанат Саудабаев, Астана қаласының әкімі Иманғали Тасмағамбетов, Павлодар облысының әкімі Бақытжан Сағынтаев қатысты.
«Кереку-Баянауыл» жәрмеңкесі Астана қаласының орталық алаңында, қалалық әкімдіктің қарсы алдында өткізілді. Бұл жерге ауыл шаруашылығы өнімдерін сату үшін арнайы ақшаңқан шатырлар мен павильондар тігілді. Сондай-ақ, тауар өндірушілердің автодүкендері орналасты. Айта кетерлігі, жәрмеңкенің кіре-беріс тұсы облыс мақтанышына айналған, күмбезі көк тіреген Мәшһүр Жүсіп мешітінің сәулетіне ұқсас жасалған. Әр жерден Павлодар облысының таяуда ғана пайда болған логотипі «мен мұндалап» тұрды.
(Материалдың толық нұсқасын «Сарыарқа самалы» газетінің 2011 жыл 27 қазандағы номерінен оқи аласыз)
