Лебяжі аудандық мәдениет үйінде Қазақстан Республикасы Президенттігіне кандидат Нұрсұлтан Назарбаевтың кандидатурасын қолдауға байланысты форум болып өтті. 500 тұрғынның басын біріктірген қолдау шарасына аудандық қоғамдық штаб төрағасы Қанат Әлтаев, «Нұр Отан» ХДП аудандық филиалы төрағасының бірінші орынбасары Қуандық Тілеуғабыл, сондай-ақ Елбасының сенім білдірген өкілдері, денсаулық, білім салаларының қызметкерлері қатысты. Аудандық мәслихаттың депутаты Дулат Әбетжанов өз сөзінде Тәуелсіздік жылдарындағы мемлекет өмірінде орын алған маңызды оқиғалар мен атқарылған игі істерді тілге тиек етті. «Барлығымыз Нұрсұлтан Назарбаевтың кандидатурасын қолдау үшін бас біріктіріп отырмыз. Бұл – саяси-экономикалық тұрақтылықтың кепілі, елімізде өмір сүретін жүздеген ұлт пен ұлыстың ауызбіршілігін қамтамасыз ететін таңдау», деді жиналғандар.
А.НҰРАХМЕТОВА,
Лебяжі аудандық ішкі саясат бөлімінің бас маманы.
