Қашыр ауданында республикалық «Балапан» бағдарламасы ойдағыдай жүзеге асырылуда. Бағдарлама аясында Тегістік жалпы білім беретін орта мектебінде «Балауса» атты шағын орталық салтанатты жағдайда есігін айқара ашты. Мектеп директоры С.Байкенов ата-аналар қауымының қуанышына ортақтасып, игі тілектерін білдірді. Шағын орталықта Тегістік ауылының кішкентай тұрғындарының жақсы білім алуына жағдайлардың барлығы жасалған. «Балаларымыз бұл шағын орталықта білім нәрін тереңнен сусындап, жақсы тәлім-тәрбие алып шығатынына сенімдіміз», - деп ата-аналар да қуаныштарын жасырмады.
Шара барысында ауылдық округ әкімі Ж.Бейсебаев 1 – қазан – қарттар күніне орай ауыл ақсақалдары мен мектептің ұлағатты ұстазы М.Башированы құттықтай отыра сыйлықтарымен табыс етті.
Г.ЖАБАЕВА.
