Кеше IV сайланған облыстық мәслихаттың кезектен тыс 30 сессиясы өтті. Халық қалаулылары келесі жылдан бастап жүзеге асырылатын екі бірдей ауқымды жобаны пысықтады. Яғни, олар Павлодар облысының аумағын дамытудың 2011-2015 жылдарға арналған бағдарламасын және аймақта құқықбұзушылықтың алдын алу және құқықтық тәртіпті қамтамасыз етудің 2011-2013 жылдарға арналған өңірлік бағдарламасын қабылдады. Алғашқысы, яғни маңызды бес жылдық құжат бойынша оның әрбір бағытына жекелей жауапты мекеме басшылары алға қойған мақсат-міндеттерімен бөлісіп, оны жүзеге асыру жолдарын ортаға салды.
Өз тілшіміз.
