Біздің газет - жеңімпаз!

СОҢҒЫ ЖАРИЯЛАНЫМДАР

11 медаль!
11:05 24.01.2023 286

Абайлаңыз, көктайғақ!
11:02 24.01.2023 316

Мәселелерді жедел шешу - шарт
11:01 24.01.2023 306

Жаңа әкімдердің жүгі қандай?
10:58 24.01.2023 303

Қолтаңбасы өшпейтін қайраткер
10:55 24.01.2023 485

Автонесие: ескіден жаңасы артық
10:52 24.01.2023 360

Бал өндірісінен «бал тамбай тұр»
10:50 24.01.2023 268

Жұмыс тәулік бойы жүргізілуде
10:49 24.01.2023 286

Ауылда мәдениет үйі салынуда
10:46 24.01.2023 297

Шетелдік көліктерді заңдастыру басталды
18:10 23.01.2023 326

Квота көбейеді
11:02 22.11.2022 2766

Қала дамуы қарқынды
11:01 22.11.2022 2665

Баянауылдық «бай-барымташылар бандасы»
10:59 22.11.2022 2642

Жастар белсенділік танытты
10:55 22.11.2022 2681

ІТ-индустрияны қалай дамытамыз?
10:54 22.11.2022 2599

Қаныштың қамқорлығын көрген...
09:34 22.11.2022 2628

Бүгінгі таңдау - ертеңге бағдар
09:27 22.11.2022 2746

Жан жылуы
09:38 21.11.2022 2604

Жаңа үй салынады
09:37 21.11.2022 2579

Кәсіп бастау тетігі – «Даму»
09:36 21.11.2022 2659

Емханаларға тіркеу аяқталды
09:35 21.11.2022 2616

Азық-түлік қорын молайту - міндет
09:33 21.11.2022 2700

Өнерлінің өрісі кең
09:31 21.11.2022 2712

Жолдар қысқа дайын ба?
09:24 21.11.2022 2683

Сарыарқа самалы, 19 қараша, сенбі
09:16 21.11.2022 2868

Келешекке дауыс берейік!
17:08 17.11.2022 2760

Сенімім зор
17:06 17.11.2022 2833

Борышымызды сезінейік!
17:02 17.11.2022 2734

Еңбек иелеріне - лайықты марапат
08:39 17.11.2022 2855

Дауыс берушілерге - қолайлы жағдай
08:37 17.11.2022 2976

Белсенділік байқатуда
08:36 17.11.2022 2627

Төрткіл дүние көз тіккен Катар
08:34 17.11.2022 2793

Мақсат - ақпаратты жеткізудің үздік тәсілдерін іздеу
08:31 17.11.2022 2850

Жүйріктен жүйрік озар...
08:29 17.11.2022 2625

Сарыарқа самалы, 17 қараша, бейсенбі
08:16 17.11.2022 2784

Учаскелер дайын
19:46 16.11.2022 2661

Кәсіпкерлерді қолдау – негізгі қызмет
10:57 15.11.2022 2964

Таңдау жасар сәт таяды
09:28 15.11.2022 2857

Берешекті төлеу - бәріне міндет
09:25 15.11.2022 2856

Балық өсіруге мән берілуде
09:23 15.11.2022 2885

«Күй & джаз» үндесті
09:21 15.11.2022 2894

«Велошабандоз» медбике
09:20 15.11.2022 3110

28.10.2022

Біздің газет - жеңімпаз!

Сүйінші, ағайын! Аймақтың ата басылымы, Павлодар облыстық «Saryarqa samaly» газеті баспа, радио және интернет-журналистика саласындағы «URKER-2022» ұлттық бәйгесінің жеңімпазы атанды. Кеше Астана қаласындағы «Қазмедиа» орталығында ұлттық сыйлық салтанатты түрде табысталды. Бұл - баршамызға ортақ жеңіс!

2017 жылдан бастап елімізде талантты журналистер мен шығармашылық ұжымдарды анықтау, олардың кәсіби журналистиканы дамытуға қосқан үлестеріне құрмет көрсету мақсатында «URKER» ұлттық бәйгесі ұйымдасты-рылып келеді. Аталмыш ұлттық сыйлық баспа, радио, интернет-журналистика саласындағы үздік жетістіктері үшін беріледі. Биыл байқау 10 аталым бойынша өтті. Сонымен қатар, отандық журналистика, медиа саласын дамытуға баға жетпес үлес қосқан көрнекті тұлғалар - Ахмет Байтұрсынов, Шерхан Мұртаза және Батыр Қазыбаев атындағы арнайы премиялар сарапқа салынды. Ұйымдастырушылар ұсынған мәлімет бойынша, осы жылы ұлттық сыйлық алудан үмітті 544 журналист пен шығармашылық ұжым өтінім берген. Олардың қатарында облыстық «Saryarqa samaly» газеті де бар. Құрамына беделді журналистер, медиа-менеджерлер және халықаралық медиа-сарапшылар енген қазылар алқасы ұсынылған жұмыстардың барлығын електен өткізіп, әрқайсысы жеке баға берді. Соның нәтижесі бойынша Ұлттық бәйге лауреаттары жарияланды. Бұл шорт-параққа 52 номинант енді. «Үздік өңірлік БАҚ» аталымы бойынша біздің облыстық басылым үздік төрттіктің қатарынан көрінді. Сонымен қатар, бұл аталымда «Астана ақшамы», «Алматы ақшамы» және «Атырау» газеттері сынға түскен еді. Кеше Астана қаласындағы «ҚазМедиа» орталығында барлық номинанттардың қатысуымен марапаттау рәсімі өтті. Сол салтанатты шарада әр аталым бойынша анықталған төрт номинанттың арасынан жеңімпаз жарияланды. Облыстық «Saryarqa samaly» газеті оқ бойы озық шығып, «URKER-2022» ұлттық сыйлығының жеңімпазы атанды! ҚР Парламенті Мәжілісінің депутаты Жұлдыз Сүлейменова «Saryarqa samaly» газетінің бас редакторы Нұрбол Жайықбаевқа «URKER» естелік мүсіншесі мен 1 млн теңге көлемінде ақшалай сыйлықты табыстады.

- Құрметті журналистика тарландары! Бүгін үлкен мерекеге қатысып, отандық журналистика үшін маңызы зор «URKER» сыйлығының жеңімпазы атанып отырмыз. Бұған бек қуаныштымыз әрі қазылар алқасына рақмет айтамыз. Мұндай жүлденің берілуі алдымен Мемлекет басшысы Қасым-Жомарт Тоқаевтың өңірлерге көңіл бөлуінің көрінісі деп ойлаймыз. Шын мәнінде қазір аймақтарда өзекті мәселе көп. Өңірлік журналистика өкілдері сол проблемаларды зерттеп, талдап, сарапқа салып, қоғам мен билік алдында көтеруге тырысып жатыр. Сол ауқымды істің бағасы осы сыйлық болса керек. Екіншіден, бұл - біз үшін аманаттың орындалуы. Бізді тәрбиелеген алдыңғы буын ардагер журналистер бар. Осыдан 93 жыл бұрын атақты түркітанушы, белгілі ғалым, филолог Бейсенбай Кенжебаев газеттің негізін қалаған еді. Одан кейін де көптеген ірі тарландар басылымда еңбек етті. Олардың қатарында биыл 100 жылдығы аталып өтіп жатқан Әзілхан Нұршайықов бас редактор болды. Бүгінгі таңда облыстық «Saryarqa samaly» газеті «Ертіс Медиа» медиахолдингінің құрамында қызметін абыроймен жалғастырып келеді деп ойлаймыз. Баршаңызға марапат құтты болсын, - деді салтанатты рәсімде бас редактор Нұрбол Жайықбаев. Сүйінші хабар жеткен соң газет ұжымын жер-жерден құттықтап жатқан игі жақсылар көп. Бұл ретте Павлодар облысының әкімі Әбілқайыр Сқақов та редакция мен оқырман қуанышына ортақтасып, ізгі лебізін білдірді.

- Облыстық «Saryarqa samaly» газеті «Үздік өңірлік БАҚ» аталымы бойынша «URKER-2022» сыйлығының иегері атанды. Керемет жаңалық, лайықты марапат! Газет ұжымын шын жүректен құттықтаймын, - деп жазды аймақ басшысы. Бұл – газеттің дамуына зор еңбек сіңірген ардагер-журналистердің, бүгінгі ұжымның, тұрақты авторлар мен оқырмандардың барлығына ортақ олжа! Біздің осындай биік шыңға жетіп, елдегі үздік БАҚ атануымыз көпшіліктің ақ батасының, жүрекжарды лебізінің жемісі деп білеміз. Алдағы уақытта да осы белесте қалып, жетістікті еселеу үшін аянып қалмаймыз.

Редакция.

Количество показов: 2359

Возврат к списку