Палуанның еңбегі еленді

СОҢҒЫ ЖАРИЯЛАНЫМДАР

11 медаль!
11:05 24.01.2023 974

Абайлаңыз, көктайғақ!
11:02 24.01.2023 867

Мәселелерді жедел шешу - шарт
11:01 24.01.2023 924

Жаңа әкімдердің жүгі қандай?
10:58 24.01.2023 1005

Қолтаңбасы өшпейтін қайраткер
10:55 24.01.2023 1186

Автонесие: ескіден жаңасы артық
10:52 24.01.2023 945

Бал өндірісінен «бал тамбай тұр»
10:50 24.01.2023 833

Жұмыс тәулік бойы жүргізілуде
10:49 24.01.2023 992

Ауылда мәдениет үйі салынуда
10:46 24.01.2023 1034

Шетелдік көліктерді заңдастыру басталды
18:10 23.01.2023 932

Квота көбейеді
11:02 22.11.2022 3194

Қала дамуы қарқынды
11:01 22.11.2022 2904

Баянауылдық «бай-барымташылар бандасы»
10:59 22.11.2022 2860

Жастар белсенділік танытты
10:55 22.11.2022 3161

ІТ-индустрияны қалай дамытамыз?
10:54 22.11.2022 3186

Қаныштың қамқорлығын көрген...
09:34 22.11.2022 3298

Бүгінгі таңдау - ертеңге бағдар
09:27 22.11.2022 3380

Жан жылуы
09:38 21.11.2022 2817

Жаңа үй салынады
09:37 21.11.2022 2830

Кәсіп бастау тетігі – «Даму»
09:36 21.11.2022 3139

22.09.2022

Палуанның еңбегі еленді

2012 жылы Жазғы олимпиада ойындарының қола медалін иеленген Дәулет Шабанбайға мемлекет тарапынан 65 мың АҚШ доллары көлемінде сыйақы берілетін болды.

ҚР Мәдениет және спорт министрі Дәурен Абаев жуырда Сербия елінің астанасы Белград қаласында Лондон Олимпиадасының қола медалін ресми түрде иеленген павлодарлық палуан Дәулет Шабанбайды лайықты марапатымен құттықтады. Еске сала кетейік, допинг «дауына» байланысты алтын және күміс медаль иегерлері Артур Таймазов (Өзбекстан) пен Давид Модзманашвили (Грузия) жүлделерінен айырылған еді. Сөйтіп, бесінші орын алған Дәулет Шабанбай қола жүлдеге қол жеткізді.

- Ол өзіне тиесілі медалін 10 жылдан кейін алды. Бұл - өте маңызды оқиға. Әділдік салтанат құрды, - деп жазды Д.Абаев Facebook желісіндегі парақшасында. Сондай-ақ, Дәулет Шабанбайға 65 мың АҚШ доллары көлемінде мемлекеттік сыйақы төлеу туралы шешім қабылданды. Кейін палуан Павлодар қаласына келді. Даңқты палуанды жерлестері салтанатты түрде күтіп алды. Кездесу қалалық Жастар бастамаларын дамыту орталығында жалғасты. Шараға өңірдің белгілі спорт ардагерлері, қоғам қайраткерлері және жалынды жастар қатысты.

- Дәулет - біздің заманымыздың белді спортшысы. Сондықтан соңынан ерген жастарға үлгі болары сөзсіз, - дейді спорт ардагері Ермат Байғұрманов. Ал Дәулет Шабанбайдың алғашқы бапкері Оразалы Мұхамедалинов әділдік орнағанын айтты.

- Дәулет жастайынан өзінің жақсы спортшы екенін көрсете білді. Сол талпынысы нәтиже беріп, әділдік орнап, қаншама жылғы еңбектің жемісін көріп отырмыз, - дейді ҚР еңбек сіңірген жаттықтырушысы О.Мұхамедалинов. Палуанның өзі «Бұл - менің ғана емес, халқымның жеңісі. Бапкерлерім менің жеңісім үшін қаншама тер төкті» деді кездесу барысында.

Айта кетейік, Дәулет Шабанбай – Азия чемпионатының төрт дүркін қола жүлдегері (2008, 2009, 2011, 2014). Сондай-ақ, ол 2014 жылы Азия ойындарының күміс медаліне ие болған еді.

Айдана БОРАНБАЕВА.

Количество показов: 3045

Возврат к списку