Шетелдік көліктердің мәселесі шешіле ме?

СОҢҒЫ ЖАРИЯЛАНЫМДАР

11 медаль!
11:05 24.01.2023 587

Абайлаңыз, көктайғақ!
11:02 24.01.2023 596

Мәселелерді жедел шешу - шарт
11:01 24.01.2023 536

Жаңа әкімдердің жүгі қандай?
10:58 24.01.2023 607

Қолтаңбасы өшпейтін қайраткер
10:55 24.01.2023 801

Автонесие: ескіден жаңасы артық
10:52 24.01.2023 581

Бал өндірісінен «бал тамбай тұр»
10:50 24.01.2023 462

Жұмыс тәулік бойы жүргізілуде
10:49 24.01.2023 598

Ауылда мәдениет үйі салынуда
10:46 24.01.2023 623

Шетелдік көліктерді заңдастыру басталды
18:10 23.01.2023 558

Квота көбейеді
11:02 22.11.2022 2917

Қала дамуы қарқынды
11:01 22.11.2022 2812

Баянауылдық «бай-барымташылар бандасы»
10:59 22.11.2022 2779

Жастар белсенділік танытты
10:55 22.11.2022 2866

ІТ-индустрияны қалай дамытамыз?
10:54 22.11.2022 2820

Қаныштың қамқорлығын көрген...
09:34 22.11.2022 2915

Бүгінгі таңдау - ертеңге бағдар
09:27 22.11.2022 2986

Жан жылуы
09:38 21.11.2022 2723

Жаңа үй салынады
09:37 21.11.2022 2721

Кәсіп бастау тетігі – «Даму»
09:36 21.11.2022 2845

Емханаларға тіркеу аяқталды
09:35 21.11.2022 2777

08.09.2022

Шетелдік көліктердің мәселесі шешіле ме?

Мемлекет басшысы Қасым-Жомарт Тоқаев 1 қыркүйектегі Жолдауында елде жүрген шетелдік тіркеудегі көліктер мәселесін қозғады. Ол елге заңсыз жолмен машина әкелуді тоқтатып, бұған дейін жеткізілгендерді заңды түрде мемлекеттік тіркеуден өткізу керектігін айтты. Сондай-ақ, Президент мұндай көлікті заңдастыру үшін утиль алымы мен алғашқы тіркеу сомасының орнына 200–250 мың теңге мөлшерінде төлем алуды ұсынды. Бұл шешім іздеуде жоқ және кедендік рәсімдеуден өткен машиналарға қатысты. Алайда бұл шара қалай жүзеге асатыны, қазір қолданыстағы кейбір ережемен қалай үйлесетіні белгісіз. Себебі біздің елде оң рөлді және Еуро-4 стандартына сай келмейтін көліктер бастапқы тіркеуге қойылмайды. Жақында жауапты мекемелер тиісті ұсыныстарын айтатын шығар. Әзірге бұл мәселенің шешімін «Алаң» қатысушыларынан сұрап көрдік.

Эдуард ЭДОКОВ, «Тәуелсіз автокөлік одағының» төрағасы:

- Қазақстанда 170 мыңнан астам шетелдік нөмірі бар көлік жүргізушілері бар. 170 мың дегені тек тіркелгендердің саны, ал қалып қойғандарының қанша екендігі беймәлім. Басқа мемлекеттердің кедендік одағында тіркелген олардың темір тұлпарлары заңға қарама-қайшы деп танылады. Сондай-ақ, Қазақстанға әкелінген көліктердің көпшілігі - рулі оң жақта орналасқандар. Ал 2007 жылдан бастап оларды елімізде тіркеу мүмкін емес. Мұндай көлікті тіркеу үшін әбігерге түсудің қажеті жоқ. Себебі оған кететін шығын көлікті сатып алған ақшадан да асып түсуі мүмкін. Менің ойымша, сырттан әкелінген автокөлікті бөлшектерге бөліп, сатып жіберген тиімдірек болмақ. Бұған көп уақыт кететіні анық, бірақ осылай жасаған барынша шығынның аз болуына септігін тигізеді. Ал Қырғызстан мен Арменияға алып барып қайта сату қиынға түседі. Сатылғанның өзінде көлік арзанға бағалануы мүмкін.

Олжас ОҚАС, автожурналист:

- Елімізді еркін кезіп жүрген шетелдік тіркеудегі көліктер заңдастырылатын болды. Дұрыстап түсініп алыңыздар. Яғни, 2022 жылдың 1 қыркүйегіне дейін Қазақстан территориясына кіргізілген авткөліктерге ғана бір реттік жеңілдік жасалды. Президенттің бұйрығы бойынша заңдастыру аясында алғашқы тіркеу мен утилизация алымы 250 мың теңгеден аспау керек. Қосымша ақпарат: Аталмыш науқан криминалсыз, іздеуде болмаған, кедендік тазартудан өткен автокөліктерге ғана қатысты. Әзірге бұл ұсыныс ретінде жарияланды. Билік өкілдері әрекетке кіріскен жоқ. Қазақстанда көлік тіркеу бойынша ережені де ешкім жоққа шығармаған. Ол не деген сөз? Оң рульді автокөліктер, экологиялық класы еуро-4-тен төмен көліктер тіркеуге алынбайды деген сөз. Қазақстан ЕАЭО мүшесі екенін де ұмытпайық. Грузиядан әкелінген ескі көлікті арзанға тіркеу мүмкін емес. Жалған құжаттармен жүрген автокөліктер қудаланып, көшені тазарту процесі басталады деген сөз. Ресейден келген росучет та Президент айтқан жеңілдік бойынша өтпейді. Ақыр аяғында бұл акция кімге арналған дейсіз ғой? Ертеректе сары нөмір алған кісілердің көліктері тап-таза болып шығады.

Азамат ШАҒМАРДАНОВ, көлік жүргізушісі:

- Шетелдік нөмір таққан көліктердің мәселесіне әлі нүкте қойылмады. Жыл бұрын аталмыш мәселе Үкіметте талқыланып, соңында шетелдік нөмір таққан жүргізушілерден мемлекеттік тіркеуге тұруын талап еткен болатын. Бірақ, тіркеу құны халықтың қалтасына салмақ түсірген жайы бар. Ал, жауапты орган бұл мәселені қайта қарап, тек Армениядан әкелінген көлік құралдарын тіркеу құқығының мерзімін 2023 жылдың 1 наурызына дейін ұзартты. Ал, мұның көрші Ресей мен Қырғыз елінен кіргізілген көліктерге қатысы болмады. Өзім осыдан бірнеше жыл бұрын темір тұлпарымды қырғыз елінен әкелген болатынмын. Шыны керек, шетел нөмірін таққан автокөлік иелерін жол полиция қызметкерлері бақылауға алып, жиі құжаттарын тексеріп тұрады. Бұл да керек шығар. Десе де, барлық шетелдік көліктер заң бұзушылыққа барып жатқан жоқ. Енді бұл мәселе өз шешімін табады деп үміттенеміз. Президенттің Жолдауда айтқан ұсынысын бірауыздан қолдаймын.

«Алаңды» үйлестірген – Алтынбек ЕЛЕМЕСҰЛЫ.

Количество показов: 3480

Возврат к списку